Тайландта тагын бер кыз югалган: аны коллыкка эләккән диләр

Югалыр алдыннан кыз бөтен җыелган акчаны алып, туганнарына аны эзләмәскә кушкан.  Гаиләсе аның коллыкка эләгүенә ышана.

Аня Түбән Новгородта икенче курста геодезистлыкка укыган. Акчага сак караган, әти-әнисе биргән акчаны да счётка сала барган.  Хәтта абыйсына да ярдәм иткән – 350 мең  сум биреп торган.

Май уртасында кыз бурычын кайтаруны сораган, булган бөтен акчасын җыйган һәм юкка чыккан. Берничә көннән әнисенә  хәбәр килгән: “Минем белән барысы да яхшы, мине урламадылар, хыялымны тормышка ашырам, шулай булгач, эзләмәгез”. Ата-ана полициягә гариза биргән. 19 майда Аня Кытайга очып киткән, 21 майда – Таиландка.  Туганнары урлауда шикләнәләр.

Без элегрәк язганча, узган ялларда Мьянма белән чиктә кыйнау эзләре булган 19 яшьлек русияле хатынны тапкан иделәр.

Чыганак: MASH