Башкортстанның бер районында бер көндә берьюлы 13 кеше югалган

Узган тәүлектә гадәттән тыш хәлләр буенча БР Дәүләт комитетының 112 нче система чакыруларын эшкәртү үзәгенә Белорет районында югалганнар турында берничә хәбәр килгән.

Бер очракта өч бала һәм ике хатын-кыз югалган-алар гөмбә җыярга урманга киткәннәр. Малиновая тавы итәгендә алты кеше югалган. Тагын икесе урманда адашкан.

Бәхеткә, барлык вакыйгалар да уңышлы тәмамланган — югалганнар мөстәкыйль рәвештә табылган һәм медицина ярдәменә мохтаҗ булмаган, дип ачыклык кертте коткаручылар.