Нефтекама янында "Лада Приора" йөртүчесе хатын-кызны бәрдереп үтергән

Бүген иртәнге 4ләр тирәсендә Краснокама районында үлемгә китерүче юл-транспорт һәлакәте булган.

Беренчел мәгълүматлар буенча, 24 яшьлек «Лада Приора» йөртүчесе Нефтекамскидан өч чакрым тирәсендәге трассада Янаул ягына таба барган хатын-кызны бәрдергән.

Җәрәхәтләрдән җәяүле урында ук үлә. Дәүләт автоинспекциясе хезмәткәрләре тикшерү үткәрә, вакыйганың барлык шартлары ачыклана.