Заправкада чират өчен атышканнар

Чиләбедә автозаправка станциясендә ике машина йөртүче арасындагы низагтан соң җинаять эше кузгатканнар, катнашучыларның берсе җәрәхәтләр алган һәм хастаханәгә озатылган. Бу хакта Эчке эшләр министрлыгының Чиләбе өлкәсе буенча Баш идарәсе матбугат хезмәтендә хәбәр иттеләр.. Инцидент 11 июльдә ягулык станцияләренең берсендә булган.

Бу хәл турында полициягә ашыгыч ярдәм фельдшеры хәбәр иткән. Зыян күрүче 1976 елгы ир-ат булып чыга, аңа медицина ярдәме күрсәткәннәр.

Ачуланышу вакытында катнашучыларның берсе  берничә тапкыр билгесез коралдан аткан, шуннан соң вакыйга урыныннан качкан. Оператив-эзләү чаралары барышында җинаятьчеләрне эзләү хезмәткәрләре шикләнелүчене ачыклаган һәм тоткарлаган. Ул 2000 елгы ир-ат булып чыккан. Җинаять эшен тикшерү дәвам итә.