9 тапкыр ҮЗИ эшләп тә инвалид бала тапкан

Йөклелек вакытында аңа Нуриевларның шәхси клиникасында тугыз тапкыр УЗИ ясаганнар-һәм тикшеренүләрнең берсе дә мондый үзгәрешләрне ачыкламаган.

Анна (исеме үзгәртелде) йөклелек һәм репродуктология буенча махсуслашкан медүзәктә түләүле күзәтелгән. Ул барлык скринингларны узган, аның сүзләренчә, һәр йомгаклауда пациентка "үзенчәлекләрсез"дип язганнар.

41 нче атнада хатын-кыз 3200 кг авырлыктагы кыз бала тапкан. Табиблар Аннага баланың тумыштан умыртка сөяге һәм кабыргалары патологиясе турында хәбәр иткәннәр, ул мөстәкыйль рәвештә сулыш алырга ирек бирми.

Нәнине үпкәләрнең ясалма вентиляциясенә урнаштырганнар һәм ашыгыч рәвештә республика балалар клиник хастаханәсе реанимациясенә билгеләгәннәр, анда трахея кимчелеген ачыклаганнар. Бала бик авыр хәлдә була.

Кыз үз гомере өчен айдан артык көрәшә: үпкә ялкынсынуы, сепсис кичерә. Аннары аны Филатов балалар хастаханәсенә тикшерү һәм операцияләргә озаталар, анда тумыштан килгән аорта кимчелекләрен, диафрагмаль бүсерне, бөер артерияләренең стенозын ачыклыйлар. Сәламәтлек саклау министрлыгының 1130 номерлы боерыгы нигезендә, УЗИ табибы яралгының умырткалыгын һәм күкрәк читлеген ике тапкыр — 18-21 атнада һәм 30-34 атнада бәяләргә тиеш. Әгәр структуралар визуальләштерелмәсә, йөкле хатынны эксперт дәрәҗәсенә җибәрергә тиешләр.

Анна очрагында беркетмәдә "патологиясез"дип язылган була. Башка табиблар мондый кимчелекләрне скринингларда күрмәү момкин түгел, диләр. Сабыйның сәламәтлеге өчен җитди нәтиҗәләре булырга мөмкин — ул гомерлек инвалид булып кала ала.

Аннаның ире белән очрашуда клиниканың баш табибы Булат Нуриев хәлне ачыкларга һәм җаваплылык алырга вәгъдә иткән. Аннары, гаилә сүзләренчә, Аннаның шәхси кабинетыннан УЗИ нәтиҗәләре бөтенләй юкка чыккан. Гаилә Росздравнадзорга һәм прокуратурага мөрәҗәгать итәргә планлаштыра.

Чыганак: MASH макс каналы