Франциядә аномаль эсселек аркасында 3 меңнән артык кеше үлгән

Германиядә һәм Италиядә тимер юлларны ябалар, өч илдә берьюлы мәктәпләрне япканнар.

Mash макс каналы мәгълүматы буенча, Париж төбәге хакимияте 500 ярдәм үзәге өчен 1,5 миллион евро бүлеп биргән — урамда су сиптергечләр, вентиляторлар һәм башка суыткыч җиһазлар сатып алына. Илнең мәгариф министры Эдуар Жеффре хәбәр иткәнчә, мәктәпләр ябык яки үзгәртелгән расписание буенча эшлиләр.

 Римда шәһәр транспорты туктаган: ATAC транспорт компаниясе хәбәр иткәнчә, яңа электробусларның аккумуляторлары кондиционерларның даими эшләве аркасында тизрәк бушый.

Германиядә Deutsche Bahn компаниясе  юллар деформациясе һәм контакт челтәренә зыян килү куркынычы аркасында пассажирларга ерак поездларга билетларны бушлай тапшырырга рөхсәт иткән.

Халыкны экономияле рәвештә су сарыф итәргә һәм системага йөкләнешне киметергә чакыралар - якындагы атнада температура +25°С тан +45°С ка кадәр диапазонда торачак.

Агымдагы эсселек дулкыны рәсми рәвештә күзәтүләр тарихында иң экстремаль һәм масштаблы дип танылган — белгечләр моны климатның озак вакытлы үзгәрү процессы белән бәйли.