Коточкыч күренеш: 3 яшьлек бала бетләп үлгән

АКШта санитар булмаган шартлар һәм бетләр йоктыру нәтиҗәсендә өч яшьлек кыз үлгән

Биш балалы гаилә чүп-чар белән тулган фатирда яшәгән. Бу хакта 25 июньдә New York Post газетасы хәбәр итте.

Һәлак булучының тәнендә башын һәм битен каплап торган бик күп бетләр тапканнар. Шулай ук кызның тешләре белән җитди проблемалары булган. Экспертиза күрсәткәнчә, бет балада анемия китереп чыгарган, бу йөрәк һәм эчке органнарның зарарлануына китергән. Кыз организмында шулай ук клонидин — гипертониядән дару табылган. Аллаһы сакласын!