Шәраб белән агуланып комага киткән Русия туристы үлгән

Сочидан Аня комада 22 көн үткәрә. Табиблар аның тормышы өчен көрәшкән, ләкин ике тикшерү баш миен кан белән тәэмин итүнең бөтенләй булмавын күрсәткән. Бүген туганнары реанимациядән баш тартуны имзалаган, кич белән кыз үлгән. Соңгы ике атнада гаилә аның Русиягә санитар эвакуациясен оештырырга тырышып караган, ләкин моны эшләп булмаган. Кызны хастаханәдә тоту өчен 2 миллион сумнан артык акча сарыф иткәннәр. Гәүдәне туган илгә алып кайту өчен туганнары акча җыю ачкан.