Коточкыч авариядә үлүчеләр:36 яшьлек шәфкать туташы һәм 26 яшьлек педиатр

Без күптән түгел хәбәр иткәнчә, республикада медицина хезмәткәрләре көне алдыннан Кропачево-Мәсәгут-Ачит автоюлының 80 нче километрында коточкыч һәлакәттә ашыгыч ярдәм хезмәткәрләре һәлак булды. Шулай ук юл-транспорт һәлакәте корбаны яшь кыз - «ашыгыч ярдәм» йөртүчесенең кызы булган, аны әтисе Уфадан утыртып алып кайтырга  булган. Әти кешене бик авыр хәлдә медицина учреждениесенә китергәннәр. Элегрәк хәбәр ителгәнчә, 41 яшьлек «ашыгыч ярдәм» йөртүчесе әлегә билгесез сәбәп аркасында светофорның кызыл сигналына «Лада Веста» һәм «Мерседес» зур йөк машинасы белән бәрелешүгә юл куйган.

 “Башинформа” га хокук саклау органнарындагы үз чыганагы булган хәлнең яңа нечкәлекләрен сөйләгән.

Беренчел мәгълүматлар буенча, юл-транспорт һәлакәте булган урында ремонт эшләре алып барыла. Барлык машиналар светофорның тыю сигналына туктаган. Уфа ягыннан Дуван районы ягына хезмәт чакыруыннан кайтып килүче "ашыгыч ярдәм", мөгаен, тизлектә «Лада Веста» автомобильләренә, «Мерседес» зур йөк машинасына бәрелгән, шулай ук “Iveco” йөк машинасы белән дә бәрелешкән. Көчле бәрелүдән машинаның алгы өлеше металл өеменә әверелгән. Коткаручылар һәлак булучыларны һәм зыян күрүчене көч-хәл белән машинадан чыгарган. Ачыкланганча, юл-транспорт һәлакәте корбаннары 20 яшьлек УУНиТ студенткасы, Дуван районында яшәүче, Салават районыннан 36 яшьлек шәфкать туташы һәм Дуван районының Мәсәгут авылыннан 26 яшьлек педиатр булган.

“Башинформа”га БР сәламәтлек саклау министрлыгы матбугат хезмәтендә исән калган 41 яшьлек машина йөртүче (Дуван районында яшәүче) хәзер Мәсәгут үзәк район хастаханәсендә реанимациядә авыр хәлдә, дип хәбәр иттеләр.

Аңа Уфадан табиблар бригадасы җибәрелгән. Әлеге факт буенча БР буенча Эчке эшләр министрлыгында «саксызлык аркасында ике яки аннан да күбрәк затның үлеменә китергән юл хәрәкәте һәм транспорт чараларын эксплуатацияләү кагыйдәләрен бозу» маддәсе буенча җинаять эше кузгаттылар. Хәзер «ашыгыч ярдәм» нең ни өчен басып торган автомобильләргә бәрелүен фаразларга гына мөмкин. Булган хәлне ачыкларга махсус машинаның видеорегистраторыннан язма, шулай ук булган хәлнең шаһитлары язмалары һәм машина йөртүченең үзенең күрсәтмәләре ярдәм итәчәк.