Пенсионер улын йоклаганда балта белән чабып үтергән

Калуга өлкәсендә 75 яшьлек ир-атны улын үтерүдә шикләнеп кулга алганнар

Тикшерү мәгълүматлары буенча, өлкән яшьтәге кеше йоклап яткан 49 яшьлек улына балта белән берничә тапкыр суккан, алар үлемгә китергән. Инцидент 16 июньдә иртән Малоярославец шәһәрендәге фатирларның берсендә була. Прокуратура җинаять алдыннан туганнары арасында көнкүреш конфликты булган дип фаразлый. Тикшерү комитеты билгеләп үткәнчә, шикләнелүче улының ярдәмчесезлегеннән файдаланган һәм аңа үлем җәрәхәтләре ясаган. Үтерү факты буенча җинаять эше кузгатылган.