Кашкаданда башта – бер, аннан икенче кеше су астына киткән

Уфа хакимияте башлыгы вазифаларын башкаручы Рөстәм Шәрипов коткаручы Роман Беляевны бер сәгать эчендә судан ике кешене коткаруы өчен бүләкләргә кушты. Исегезгә төшерәбез, Роман Беляев башта Кашкадан күленнән су төбенә киткән кызны чыгарган, реанимация чаралары үткәргән һәм аны медикларга тапшырган.

Һәм шул ук мизгелдә кызның танышы, буйлар артындагы суүсемнәргә эләгеп, бата башлаган. Роман шунда ук күлгә ташланган һәм яшь егетне судан алып чыккан.

“Бу гади бер хәл генә түгел, бу геройлык.  Очраклык та түгел, бу – профессиональлек һәм чын кеше гамәле. Шәһәрдә безнең хезмәткәрләр турында күп уңай фикерләр яңгырады, безнең яктан аларны игътибарсыз калдырырга ярамый”, – диде Рөстәм Шәрипов. Ул Роман Беляевны бүләкләргә кушкан.  

"Мондый кешеләр безнең аларны күрүебезне һәм кадерләвебезне белергә тиеш, һәм алар үрнәгендә  без үсеп килүче буынны да тәрбияләргә тиеш, башка коллегаларга да бу үрнәк булачак”, – дип ассызыклады Уфа хакимияте башлыгы вазифаларын башкаручы Рөстәм Шәрипов.