Балаларга ялган аккаунттан язган ир-атны тоткарлаганнар

Бу хакта «Регнум» мәгълүмат агентлыгы яза. Беренчел мәгълүматлар буенча, 8 июньдә «Су стадионы» метро станциясендә поезд вагонында беренче сыйныф укучысына бәйләнгән ир-ат тоткарланган. Хәзер полиция һәм тикшерүчеләр инцидентның барлык детальләрен ачыклый һәм тоткарланучының башка хокукка каршы гамәлләр кылганмы икәнен тикшерә.

Сорау алу вакытында ир-ат «ВКонтакте» һәм Telegram социаль челтәрләрендә, шулай ук төрле танышу сервисларында ялган аккаунтлар булдыруын таныган. Уйлап чыгарылган исемнәр астында ул балигъ булмаган малайлар белән аралашкан, алардан фотосурәтләр җибәрүләрен һәм метрода очрашулар билгеләүләрен сораган.

Моннан тыш, ул озак вакыт дәвамында максатчан рәвештә балалар мәйданчыкларына йөрүе, балаларны күзәтүе һәм алар белән уйлап чыгарылган исемнәр белән язышуы турында сөйләгән.