Ир-ат су уткәргеч торбаны камыштан чистартканда батып үлгән

Россия гадәттән тыш хәлләр министрлыгының ТР буенча Баш идарәсе матбугат хезмәтендә хәбәр итүләренчә, Чистайда буада 24 яшьлек ир-атның гәүдәсе табылган

Беренчел мәгълүматлар буенча, егет камыш белән тулган плотинадагы су үткәргеч торбаны чистарткан. Эш вакытында ул, саксызлык аркасында, таеп киткән һәм ярдан суга егылган. Янәшәдә аңа ярдәм итә яки коткаручыларны чакыра алырлык шаһитлар булмаган. Егетнең гәүдәсен җирле халык тапкан һәм аны хокук саклау органнары хезмәткәрләренә тапшырган.