Май аенда Башкортстанда 13 кеше батып үлгән

Май аенда гына сулыкларда 13 кеше һәлак булган, шул исәптән өч бала. Соңгы атнада биш кеше — Уфа, Дүртөйле һәм Чишмә районнарында батып үлде. Кызганычка каршы, һәлак булучылар арасында ике бала бар. Ел башыннан судагы һәлакәтләр нәтиҗәсендә республика 19 кешесен югалтты. 1 июньнән суда ял итү өчен махсус җиһазландырылган урыннар эшли башлый. 58 муниципалитетта 175 пляж ял итүчеләрне кабул итәргә әзер.