Дүрт кечкенә бала һәм ике кеше тереләй янып үлгән

Омск өлкәсендә янгын вакытында алты кеше  һәлак булган. Бу хакта РИА Новости РФ Тикшерү комитетының төбәк идарәсендә хәбәр иттеләр. Фаҗига Юрьевка авылында шәхси йортта була. Йортның 25 яшьлек хуҗабикәсе, аның бер яшьлек улы һәм ике һәм биш яшьлек ике кызы, шулай ук 14 яшьлек улы белән 35 яшьлек дус кызы һәлак булган. Урында тикшерү төркеме эшли, йортны карау һәм күршеләрдән сораштырулар үткәрелә.

Булган хәлнең шартлары ачыклана. «Саксызлык аркасында үлемгә китерү»маддәсе буенча җинаять эше кузгатылган.

Омск өлкәсе губернаторы Виталий Хоценко һәлак булганнарның туганнарының һәм якыннарының кайгысын уртаклашкан, район башлыгына һәм төбәкнең хезмәт һәм социаль үсеш министрына тиешле ярдәм күрсәтергә кушкан.

Фото: СУ СК Омской области