Бәла аяк астында

Җәрәхәтләр алган балигъ булмаган баланы юл-транспорт һәлакәтеннән соң хастаханәгә китергәннәр. Вакыйга Киевская урамында 22 майда кичке сәгать алтылар тирәсендә була. Бу хакта Уфа Дәүләт автоинспекциясе матбугат хезмәтендә хәбәр иттеләр. Беренчел мәгълүматлар буенча, 40 яшьлек Volkswagen Jetta йөртүчесе Новороссийская урамына борылганда 11 яшьлек малайны электр самокатында бәрдергән. Бала юлны тиешсез урында кисеп чыккан булган.