Ун бала зыян күргән: мәктәп балконы фотосессия вакытында ишелеп төшкән

Севастопольдә мәктәпнең икенче катындагы балкон җимерелү нәтиҗәсендә 10 бала зыян күргән, алар анда фотога төшәргә чыккан, дип хәбәр иткән губернатор Михаил Развожаев

Аның сүзләренчә, әлеге хәл 13 нче мәктәптә булган. Балаларга ярдәм күрсәтелә, зыян күрүчеләрне хастаханәгә илтәләр. Урында оператив хезмәтләр эшли, булган хәлләр ачыклана. Развожаев ачыклаганча, балаларда төрле дәрәҗәдәге җәрәхәтләр. Аның сүзләренчә, барлык хәлләрне җентекләп тикшерү үткәреләчәк, булган хәлнең сәбәпләре ачыкланачак һәм барлык кирәкле чаралар күреләчәк.