Кеше түгел, ерткыч бу

Ерткычларча үтерү 30 апрельдә Иглин һәм Кармаскалы районнары чигендә булган. Браконьер урман кырыендагы пошины мишень итеп сайлаган. Ерткыч аның башына аткан. Аннары ул яңа туган поши балаларының берсенең муенын сындырган һәм икенчесен үтергән. Поши түшкәсен җинаятьче, калдыкларын урманда яшереп, ертып ташлаган. Шунда ук ул поши балаларының гәүдәләрен дә ташлап калдырган. Үтерүчене хокук саклау органнары эзли.