Суда өч мәет: балалар батып үлгән

Свердловск өлкәсендә Пышма елгасы акваториясендә бала гәүдәсен тапканнар, дип хәбәр итә гадәттән тыш хәлләр министрлыгының төбәк баш комитеты матбугат хезмәте.

Хәзер оператив-тикшерү чаралары үткәрелә, дип билгеләп үтелә публикациядә. Аныкланганча, елгада 2013 елгы баланың гәүдәсе табылган. Кичә Русия Тикшерү комитетының Псков өлкәсе буенча Тикшерү идарәсенең Островск районара тикшерү бүлеге Бөек елга акваториясе янында ике кечкенә баланың гәүдәсен табу факты буенча тикшерү башлаган. Кич белән, 17 майда, сигез яшьлек ике кыз елга яры буйлап йөргәндә суга егылып, батып үлгән. Кызларның гәүдәләрен Псков шәһәренең эзләү-коткару отряды водолазлары таба һәм сулыктан чыгара. Криминалистлар вакыйга урынын тикшерәләр.