Җиде яшьлек малай су белән тулган базда тончыгып үлгән

Бу хакта "Авыл офыклары" хәбәр итә. Малайның югалуы турындагы хәбәр ашыгыч чакырулар хезмәтенә 13 майда 20 сәгатьтә килгән. Берничә минуттан урынга янгын сүндерү-коткару часте хезмәткәрләре һәм ашыгыч ярдәм бригадасы килә. ЕДДС диспетчеры хәбәр иткәнчә, бала 2,5 метр тирәнлектәге базга егылып төшкән. Анда су биеклеге 1,2 метрга җиткән булган.

 Малайны тапкан күрше аны судан тартып чыгара һәм табибларга тапшыра. Ләкин балада инде яшәү билгеләре булмаган. Беренчел мәгълүматларга караганда, ул тончыгып үлгән. Табиблар реанимация чаралары уздырган, ләкин баланы коткарып кала алмаганнар.