Яшүсмер өстенә металл конструкция килеп төшкән

Прокуратура Ишимбайдагы спорт мәйданчыгында яшүсмернең имгәнүенә бәйле рәвештә тикшерү оештырган. Социаль челтәрләрдәге видеода яшүсмер өстенә баскетбол кәрзине белән металл конструкция төшкәнлеге күренә.

Беренчел мәгълүматлар буенча, инцидент 30 апрельдә Ишимбайның Чкалов урамындагы күпфатирлы йортның уен мәйданчыгында булган. Яшүсмер җәрәхәтләр алган. Аны хастаханәгә салганнар.

Прокуратура булган хәлнең сәбәпләрен һәм шартларын ачыклаячак, җиһазларны куркынычсыз эксплуатацияләү һәм хезмәт күрсәтү өчен җаваплы идарәче компания эшенә бәя бирәчәк.

Чыганак: @bashinform