Интернет аша алган балык белән агуланып үлгән

Мәскәүдә 30 яшьлек программист «Рыбец» интернет-кибете аша скумбриядән «Тигровый» рулетына заказ биргән һәм агуланып үлгән.

Аның дусты сәер продукт исенә игътибар иткән һәм аны ашаудан баш тарткан, әмма ир-ат ризыкны ташламаска булган һәм барысын да ашаган. Тиздән аның хәле начарлана, һәм аны йогышлы авырулар хастаханәсенә салалар, ләкин коткарып кала алмыйлар — организмны Listeria monocytogenes бактериясе зарарлый, ул еш кына сыйфатсыз яки бозылган балык куллану белән бәйле листериоз китереп чыгара.

Тикшерү барышында кибет суыткычларында, сатучының товарның югары сыйфаты турында белдерүенә карамастан, яраклылык срогы чыккан продукция булуы ачыкланган. Нәтиҗәдә сатучыны җинаять җаваплылыгына тартканнар: суд аны 3 елга шартлы рәвештә ирегеннән мәхрүм итүгә, 400 мең сум штрафка һәм ике ел дәвамында азык-төлек продукциясен саклау һәм сату белән шөгыльләнүне тыюга хөкем иткән.