Чит ил машинасы “КАМАЗ”га бәрелгән, ике кеше һәлак була

Бу хакта Татарстан прокуратурасы матбугат хезмәтендә хәбәр иттеләр. 900 нче чакрымда, «Әлмәт — Лениногорск» юлы белән киселеш районында Renault һәм КАМАЗ бәрелешкән. Беренчел мәгълүматлар буенча, 56 яшьлек җиңел машина йөртүче төп юлга чыкканда, юл йөрү кагыйдәләренең 13.9 пунктын бозып, йөк машинасына юл бирмәгән. Бәрелү ир-ат һәм аның 56 яшьлек пассажиркасының үлеменә китергән.

Чыганак: https://kazanfirst.ru/