Янган фатирдан ялгыз калган 7 яшьлек баланы коткарганнар

Кичә кич башкаланың Купцов урамындагы 25 катлы йорттагы фатирларның берсенең балконында янгын чыга. Урынга килгән гадәттән тыш хәлләр министрлыгы янгын сүндерүчеләре анда җиде яшьлек баланың берүзе булуын ачыклаган. МЧС хезмәткәрләре махсус җайланмаларда малайны баскыч буйлап саф һавага чыгарганнар. Бала зыян күрмәгән, табибларны караганнан соң аны өенә кайтарып җибәргәннәр.

Тагын биш кешене, шул исәптән ике баланы коткарганнар.  21 кеше янгын сүндерүчеләр килгәнче үзләре эвакуацияләнгән.

Янгын тулысынча сүндерелгән. Һәлак булучылар һәм зыян күрүчеләр юк. Фаҗига  сәбәбен сорау алучы ачыклый. Гадәттән тыш хәлләр министрлыгы искәртә: балаларны өйдә ялгыз калдырырга ярамый, шырпы һәм зажигалкалар яшерен урыннарда сакланырга тиеш.

Чыганак: Башинформ

Фото: МЧС России