Терекөмешле чәй эчкәч, хастаханәгә эләккән

Наро-Фоминскида 45 яшьлек хатын-кызны чәй эчкәннән соң ашыгыч рәвештә хастаханәгә салганнар. "112" Telegram-каналы язуынча, эчемлек салынган чынаякка терекөмеш эләккән.

Маршал Жуков урамындагы фатирда бала градусник ваткан, ә соңыннан аның эчендәге терекөмешне  әнисенең чәенә салган. Баланың әнисе бернәрсәдән дә шикләнмичә, ул чәйне эчкән.

Мондый “өстәмә”дән соң  ана кеше хастаханәдә ята. Аның хәле  уртача авырлыкта дип бәяләнә.

Чыганак: lenta.ru