11айлык бала кер юу капсулаларын ашаган

Сабыйда бик көчле агулану һәм үпкә ялкынсынуы барлыкка килгән.

Билгеле булганча, инцидент Новосибирскта була. 34 яшьлек Анна өй эшләре буенча игътибарын читкә юнәлткәндә, аның ике яшьлек кызы «Лоск Color» кер юу капсулаларының ачып, идәнгә сипкән.

11 айлык бала шул арада берничә капсуланы ашарга өлгергән, алар аны үзенең ачык төсе белән җәлеп иткән.

Әни кеше сүзләренчә, ул чәй ясаганчы балаларны контрольдән 5 минутка гына калдырган.

Балада химик интоксикация диагнозы куелган. Ашыгыч ярдәм килгәнче үк малай коса башлаган һәм аның температурасы күтәрелгән. Хастаханәдә сабыйда үпкә ялкынсынуы ачыкланган.