Чиләбе өлкәсендә 51 баланы утырткан автобус автовоз белән бәрелешкән

Һәлакәт "Урал"М-5 трассасында була.

"Автобус водителе, 1984 елгы ир-ат, тизлек һәм дистанцияне дөрес сайламаган. Үз чиратында, автовоз йөртүчесе, 1986 елгы ир-ат, шулай ук шәп бару сәбәпле ярымприцепның автобуска  бәрелүенә китергән", – дип билгеләп үттеләр инспекция матбугат хезмәтендә.

Салонда 51 бала булган. Юл-транспорт һәлакәтендә зыян күргән 14 яшьлек дүрт пассажир медицина учреждениесенә китерелгән. Һәлакәттән соң билгеләнгән урынга алмаш автобус килгән, ул калган балаларны Миасс шәһәренә курортка китергән.