Табиблар "Газель" бәрдергән кызны имгәнгән килеш дәваханәдән чыгарган

Краснодар краеның Северская станицасында табиблар “Газель” бәрдергән укучы кызны, үзен яхшы хис итмәсә дә, дәваханәдән чыгарганнар. Бу хакта  14  яшьлек үсмер кызның әнисе Kub Mash Телеграм-каналына  сөйләгән.

Хатын сүзләренчә, юл авариясе 21 октябрьдә җәяүлеләр кичүендә теркәлгән. “Газель” бәрдерүеннән соң ул читкә чыгып очкан һәм аңын җуйган. Северск дәваханәсендә аңа баш мие селкенүе һәм баш сөяге-мие җәрәхәте диагнозалры куйганнар. Ана кеше сүзләренчә, медиклар кызның сынган урыннарын  тапмаган. Әмма баш җәрәхәтенә хас гадәти билгеләрдән тыш, кызның тәне авырткан – аеруча уң кулбашы һәм уң аягы. Кызның әнисе авыртулар хакында табибка даими әйтеп торуларын дә ассызыклаган. “Авариядән соң кулбашындагы авыртуы көчәйгәннән-көчәйде. Тик моңа карамастан, ике тәүлек ярымнан соң ятып кына торган  авыр хәлдәге баланы дәваханәдән чыгардылар”, – дип сөйләгән хатын.

Аптыраган гаилә шәхси клиникаларга мөрәҗәгать иткән, анда үсмердә ике сыну очрагын теркәгәннәр. “Кызым һаман шундый авыр хәлдә. Ул каталкада гына хәрәкәт итә ала”, – дигән баланың әнисе.

Журналистларга Северск дәваханәсенең баш табибы пациент кызны куп чыгармадык, ә аның диагнозы медицина сере булып тора дигән.

Гаилә медицина юристы белән җинаять эшен кузгатуга ирешергә тели. 

Чыганак: lenta.ru