Мисырда автобус һәм йөк машинасы бәрелешкәндә 27 русияле зыян күргән

Туристик автобус Кызыл диңгез провинциясендә Рас-Гариб — Хургада трассасы буенча барган. Авариядә барлыгы 34 чит ил кешесе зыян күргән.

Ике кеше һәлак булган: бу автобус йөртүче һәм тагын бер чит ил кешесе.

Аның милләте аныкланмый.

Зыян күрүчеләрне оператив рәвештә Рас-Гариб хастаханәсенә китерәләр, анда аларга ярдәм күрсәтелә.