Мәктәп укучылары белән тулы автобусның тәгәрмәче шартлаган

«Урал» М5 трассасысының 1565 нче чакрымында кинәт 20 бала һәм озата баручылар барган автобусның  тәгәрмәче шартлаган. Водитель  шунда ук ашыгыч хезмәтләр чакырткан – бәхеткә, беркем дә зыян күрмәгән.

Укучыларны  юл төзүчеләр машинасына күчереп утыртканнар һәм якындагы кафега илткәннәр. Төркем  Салават районыннан Уфага барган булган.