8 айлык кызны эт талаган, бала комада

Британиянең Хокинг округында 8 айлык кызга ньюфаундленд токымлы эт һөҗүм иткән, хәзер бала комада. Бу турыда «Аргументы и факты» хәбәр итә.

«Сабыйны санитария авиациясе ярдәмендә Лондон үзәгендәге Кингс-Колледж хастаханәсенә алып килгәннәр һәм интенсив терапия бүлегендә ясалма комага керткәннәр».

Этнең 19 яшьлек хуҗасы суд каршында җавап тоткан, аны, контрольдән чыккан хайванны тыя алмауда гаепле, дип таныганнар.

Егет әйтүенчә, эт бала белән еш уйнаган, әмма элек үзен болай агрессив тотканы булмаган. Кызга һөҗүм иткәннән соң, эт хуҗасын да тешләгән.

Басма мәгълүматларына караганда, бала терелә башлаган.

Автор:Лиана Ханмурзина

Читайте нас

Партнеры