Ана күңеле баладамы: 11 айлык баласын үтерә язган

Кадрларда күренгәнчә, көчле исерек хәлдә булган хатын-кыз Дмитрий Петров урамындагы күпкатлы йорт подъездындагы баскычтан коляска белән төшәргә тырыша. Ул даими рәвештә тигезлекне югалта, коляска әйләнә, ә хатын-кыз үзе үзен һич тә адекват тотмый. Подъезддан чыкканда ул аягы белән пыяла ишеккә бәрә, бала белән бергә егыла, ә аннары лифтта колясканы стенага бәргәли башлый.  Нәтиҗәдә,  бала коляскадан очып чыга.

Тикшерү комитеты хезмәткәрләре, күзәтү камераларыннан язмаларны өйрәнеп, ананың гамәлләре баланың гомеренә һәм сәламәтлегенә реаль куркыныч тудырган, дип санаганнар. Бәхеткә, малайны караган табиблар аның җәрәхәтләнмәгәнлеген расладылар.  Don Mash Telegram-каналы инцидент Суворовский микрорайонында булган дип ачыклык кертә. Урындагы халык сүзләренчә, хатын-кыз танышларында кунакта булган, анда спиртлы эчемлекләр эчкән. Урамга ул бик нык исерек хәлдә чыккан. Соңрак хатын үз гаебен таныган.  Аның сүзләренчә, алкоголь аңа көтмәгәндә шундый йогынты ясаган. Тикшерү эшләре дәвам итә.

Чыганак: https://www.yugopolis.ru/

Фото:Скриншот видео: t.me/don_mash