Янгында ир белән хатын һәлак булган

Республикада янгында бер хатын-кыз белән ир-ат һәлак булганнар. Фаҗига бүген төнлә Караидел районының Ургыш авылында теркәлгән.

БР буенча Гадәттән тыш хәлләр министрлыгыхәбәре буенча, янгын сүндерүчеләр һәм ирекмәннәр ике йортны (йортның берсендә яшәмәгәннәр) һәм өч каралты-кураны сүндергән.

"Кызганычка каршы, янгын сүндерү барышында йортның гомум бүлмәдә идәндә үлгән 43 яшьлек ир-ат һәм 39 яшьлек хатын-кыз табылган", – дип хәбәр иттеләр ведомствода.

Хәзерге вакытта Русия Гадәттән тыш хәлләр министрлыгының БР буенча башлыгы Марат Латыйпов күрсәтмәсе буенча янгынның барлык сәбәпләрен ачыклау өчен урынга баш идарәнең оператив төркеме, шул исәптән янгын сынау лабораториясе эксперты һәм Гадәттән тыш хәлләр министрлыгының сорау алучылары җибәрелгән.

Әлегә янгынның иң ихтимал сәбәпләренең берсе буларак тәмәке тартканда саксызлык карала.

Чыганак: bashinform.ru