Эпиляция ясаткач, аяклары коточкыч пешкән

Сез фотосурәттә күргән  пешү эзләре Уфада яшәүче хатын-кызда барлыкка килгән. Ул Ленин урамындагы Novolaser клиникасында лазерлы эпиляция  ясаткан. 

Яшь хатын социаль челтәрләрдә  бик отышлы акция турында хәбәр күреп калган: шом-шома  аяклар өчен нибары 1,5 мең сум акча түләргә кирәк булачак. Ул процедурага язылган, эпиляция ясаткан, ә соңыннан инде, үз сүзләре буенча, тәмуг газаплары башланган. Ак тиресен кызыл таплар каплаган, яшь хатынның тән температурасы күтәрелгән. Табиблар аяклар дерматиты дигән диагноз куйган.

Хәзер ул суд аша компенсация таләп итә. 

Чыганак: Mash Batash Телеграм-каналы.