Язгы ташкын сәбәпле йортларны сүтә башлаганнар (ВИДЕО)

Гафури районының Таиш авылында ташкын сулары  Җилем елгсы ярын  җимерә башлаган. Бүген авылдашлар хәвефле зонада торган бер йортны сүткәннәр. Бу хакта Имәндәш  авыл советы башлыгы Әхнәф Нугайгулов сөйләгән.

Авыл советы башлыгы сүзләренчә, Җилем елгасы, Таиш авылын ике яктан уратып алып, ике үзән буйлап ага.

“Быел үзәннәрнең берсендә бозлар тыгылды, шуңа елга агымы шактый тизләште. Су дулкыннары елга ярына якын урнашкан йортларны агызып алып китәр дигән куркыныч бар. Бүген авыл халкы бер йортны сүтте, кирәк булса,  иртәгә дә өмә оештырылачак”, – дигән Әхнәф Нугайгулов.

Гомумән алганда, быел язгы ташкын  тиз һәм кинәт башланды. Кичә иртән Архангель районында “гадәттән тыш хәл режимы” кертелүе турында билгеле булды. Азау авылында су басу очраклары теркәлде.  Бераздан Тәвәкәч авылына да “зур су” килде. Аннан да кешеләрне эвакуацияләү эшләре оештырылды. 

Чыганак: bashinform.ru