Тәмәкесен тоткан килеш йоклап киткән

Стәрлетамак шәһәрендә күп фатирлы йортның берсендә яшәүче 61 яшьлек тәмәкече диванында янгын чыгара язган.

Башкортстанның гадәттән тыш хәлләр министрлыгы мәгълүматы буенча, ир-ат кабызылган тәмәкесен тоткан килеш диванда йокымсырап киткән. Берникадәр вакыттан соң диванның тышлыгы яна башлаган...

Ярый, күршеләре өйдә булып, тиз арада янгын сүндерүчеләрне чакырткан. Коткаручылар төтенле фатирдан ир-атны алып чыга алган. Янгын сүндерелгән.