Уфада 644 агач һәм меңнән артык куак утырттылар

Уфада «Яшел Башкортстан» республика акциясе кысаларында 644 агач һәм 1002 куак утырттык, дип хәбәр итә башкала мэриясе. Аларның күбесе-юкә, миләш, каен һәм чыршы.

Моннан тыш, Калинин районында «Черниковка» станциясенең транспорт күчепузелында, Киров районында Октябрь революциясе урамында, Октябрь районында Октябрь проспектында (Сәет Галиев бульварыннан Көньяк юлга кадәр), Ленин районында су башнясы янында яңа аллеялар барлыкка килде. Шулай ук Дим районында шәһәр халкын һәм кунакларны Балачак аллеясы, ә Совет районында гортензияләр аллеясы сөендерәчәк.

Башкортстанда масштаблы акция йомгаклары буенча 4 мең эре агач һәм 15,6 меңнән артык үсенте һәм куак утыртылды.

Юлай НИЗАЕВ әзерләде.

Фото: «Башинформ».