Чит илләрдән кайтучылар игътибарына!

Русия Эчке эшләр министрлыгы чит ил сәфәрләреннән кайтканнан соң русиялеләр корбан булган дистанцион мошенниклыкның яңа схемасы турында кисәтте.

Аферистлар чит илдән кайткан гражданнарга полиция, ФСБ, башка көч яки күзәтчелек органнары исеменнән шалтырата. Алар сәфәр вакытында кеше янәсе Русиядә эшчәнлеге тыелган яки кирәксез дип танылган оешма белән элемтәгә кергән дип ышандыра. Шуннан соң мошенниклар тикшерү турында хәбәр итә һәм мөмкин булган җинаять эзәрлекләве, счетларны блоклау һәм илдән чыгуны чикләү белән яныйлар.

Корбанны куркытып, җинаятьчеләр “мәсьәләне хәл итәргә” тәкъдим ясый. Моның өчен алар акчаларны “хәвефсез счет”ка күчерүне, башка кешегә тапшыруны яисә аерым бер биремне үтәүне таләп итәргә мөмкин.

Эчке эшләр министрлыгында билгесез кешеләргә ышанмаска һәм барлык мәгълүматны рәсми чыганаклар аша тикшерергә чакыралар. 

Чыганак: lenta.ru