Бер фраза студент кызны 3,5 миллион сум акчадан мәхрүм иткән

Благовар районы полициясенә 19 яшьлек кыз студент кыз мөрәҗәгать иткән дә, мошенниклар корбаны булуын сөйләп биргән.

БР буенча Эчке эшләр министрлыгында хәбәр итүләренчә, июль башында студент кызның мессенджерына билгесез адәмнәр язган. Алар  үзләрен эш бирүчеләр дип  таныштырган һәм товарлар бәяләү буенча җиңел акча эшләү ысулы тәкъдим иткәннәр. Студент кыз вакансия белән кызыксынганнан соң, әңгәмәгә Росфинмониторингның ялган хезмәткәре кушылган. Ул янәсе дә ачыкланган хокук бозу очраклары турында әйткән һәм студент кызга “счетларда чит ил валютасы саклаган өчен” җинаять җаваплылыгы белән янаган. Шуңа сылтап, аферистлар аны барлык акчаларын “хәвефсез счетлар”га күчерергә күндергән.

Төрмәгә утырудан курыккан 19 яшьлек кыз 50 мең сум кредит алган һәм туганнарыннан тагын 3,5 миллион сумнан артык акча алып торган. Барлык акчаларны ул чит счетларга җибәргән. Моңа кадәр аралашкан кешеләр аның белән элемтәгә чыгудан  туктагач, студент кыз барлык акчаларыннан колак кагуын аңлаган.

“Мошенниклык” маддәсе буенча җинаять эше кузгатылган.

Шулай итеп, “сез валютаны законсыз саклыйсыз” дигән бер фраза яшь кызны миллионнарча бурычлы булып калдырган.

Чыганак: bashinform.ru