Хәбәрсез югалган СВО солдаты исеменә микрозаймнар алганнар

Кушнаренко районы прокуратурасы хәбәрсез югалган дип саналган хәрбинең шәхси мәгълүматларын кулланып микрозаймнар рәсмиләштерү факты буенча җинаять эшләре кузгаткан.

Ведомствода белдерүләренчә, тикшерү җирле хатын-кыз мөрәҗәгатеннән соң башланган. Ачыклануынча, 2025 елның декабрендә һәм 2026 елның гыйнварында микрофинанс оешмалары, аның абыйсының паспорт мәгълүматларын кулланып, 20 мең сумга диярлек онлайн-займнар биргәннәр. Шул ук вакытта ир-ат рәсми рәвештә 2024 елның сентябреннән үк махсус хәрби операция уздыру зонасында хәбәрсез югалган дип санала.

 “Мошенниклык” маддәсе буенча кузгатылган җинаять эшләрен тикшерү барышы –  прокуратура контролендә.  

Чыганак: bashinform.ru