Көтмәгәндә үзенең 6 кредит алуын белгән

Стәрлетамакта бер ир-ат көтмәгәндә үзенең бурычлы икәнен белеп калган. Кредитлар алмаса да, аның исемендә 43 мең сумга 6 микрокредит рәсмиләштерелгән.

Ничек шулай булган соң?  Эш шунда икән – ул иске сим-картасын алып ташлаган да, үзенең аккаунтларына “бәйләнгән” телефон номерын гамәлдән чыгарырга оныткан. Кемдер исә бу мәгълүматны белгән һәм заемнар рәсмиләштергән.

БР буенча Эчке эшләр министрлыгы кисәтә: сезнең телефон номерыгыз кредит капкынына әйләнмәсен өчен:

1.Дәүләт хезмәтләреннән алып азык-төлек китереп бирү, такси кушымталарына кадәр “бәйләнгән”  иске телефон номерын гамәлдән чыгарыгыз, сүндереп куегыз.

2.Мөһим сервислар өчен ике факторлы аутентификацияне (2FA) кабызыгыз.

3.Үз исемегезгә кредитлар һәм яңа сим-карталар алуга тыю куегыз.