Сатучы хатын кибетне миналаганнар дип хәбәр иткән

Уфада 31 яшьлек сатучы Беренче май урамындагы үзе эшләгән кибетне миналау турында хәбәр иткән. Нәтиҗәдә эвакуация һәм тикшерү оештырылган.

Полицейскийлар этләр белән кибетне җентекләп тикшереп чыккан – хәвефле предметлар табылмаган. Ә менә сатучыга карата сораулар барлыкка килгән.  Ахырда сатучының исерек булуы һәм тизрәк өенә кайтып китәргә теләве ачыкланган.

Ялган хәбәр очрагы буенча җинаять эше кузгатылган, бу маддәгә ярашлы, 5 елга иректән мәхрүм итү каралган.

Чыганак: "Честно говоря" МАХ-каналы.