Авыл кешесе мошенникларга 29 миллион сум акча биргән

Телефон мошенникларының чираттагы корбаны – Әбҗәлил районында яшәүче 45 яшьлек ир-ат.

Аферистлар кармагына эләккән ир, полициягә килеп,  үзләрен Федераль хәвефсезлек хезмәте һәм Үзәк Банк белгечләре дип таныштырган адәмнәр шалтыратуын сөйләп биргән. “Белгечләр” ир-атны аның акчаларына хәвеф яный дип ышандырган һәм “хәвефсез” исәпкә күчерүне таләп иткән. Ул тыңлаган һәм кулакчаларны банкомат аша кертеп күчерә башлаган. Аферистлар монда гына туктап калмаган, алар ир-атны, экстремистик оешмага спонсор булгансың дип, куркыта башлаган. Җинаять җаваплылыгыннан котылып калыр өчен, ир-ат акчаны курьерга бирергә тиеш булган. Ул шул рәвешле курьерга берничә тапкыр акча биреп җибәргән. Җитмәсә, ул байтак сумманы танышларыннан бурычка алган. 

Чыганак: bashinform.ru