2 миллион сумлык бизәнгечләр урлаган

Калтасы районында полиция хезмәткәрләре кыйммәтле бизәнгечләр карагын тоткарлаган.

БР буенча Эчке эшләр министрлыгы  мәгълүматы буенча, 41 яшьлек хатын-кыз зыян күргән, аның кыйммәтле бизәнү әйберләре, алтын сәгать һәм бәясе 2 млн сумга якын чит ил валютасы булган шкатулкасы югалган. Ханым шкатулканы соңгы тапкыр  кайчан күрүен төгәл әйтергә авырсынган.

Тикшерү төркеме җинаятькә күрше Яңавыл районыннан 38 яшьлек ир-атның катнашлыгы барлыгын ачыклаган. Ул зыян күрүчедә йорт остасы булып эшләгәнлеге ачыкланган. Ир-ат, исерек булуын билгеләп, кылган эшен таныган. Соңрак ул кабат эчеп йөргән һәм урлаган әйберләрне кая яшергәнен оныткан. Зыянны өлешчә компенсацияләү өчен ул урланган әйбернең хуҗасына бер мең сум биргән.

 “Караклык” маддәсе буенча тикшерү бара. Полиция урланган милекне кире кайтару өчен чаралар күрергә ниятли. 

Чыганак: bashinform.ru