Төзелеш тавышына түзә алмаган ир-ат компания хезмәткәренә ташланган

Мәскәүнең көнбатышында төзүче ир-ат аңа йокларга комачаулаган төзелеш аркасында эре девелопер компаниясе менеджерын үтергән.

43 яшьлек Михаил С. эчеп исергән дә, күптән ачуын китергән  күрше йорт төзелешенә (гадәттә, төзелеш төнлә барган һәм бик тавышлы булган) үч итәргә булган.

Mash МАХ-каналы язуынча, ул Верейская урамындагы сатулар офисына килгән һәм юлында очраган беренче хезмәткәр хатын-кызны пычак белән чәнечкән. Кызганычка каршы, 36 яшьлек Виктория М. шунда үк үлгән.  

Михаил качып китмәкче булган, ләкин аны урман посадкасында куып тотканнар. Ир-атның фатирын тентегәндә винтовка һәм зур күләмдә салкын корал тапканнар.  

Мәскәү буенча Тикшерү комитеты үтерү турында җинаять эше кузгаткан.

Соңрак мәгълүмат чаралары язуынча, төзелеш компаниясе менеджерын чәнчеп үтергән Михаил  16 ел элек патруль-пост хезмәте инспекторына  ике пычак белән янап, автоматлар  бирүне таләп иткән. Шул ук елны федераль эзләүгә игълан ителгән һәм качкан. 

Чыганак: Mash МАХ-каналы.