Электр счётчигын 1,8 миллион сумга "алдаган"

БР прокуратурасында  хәбәр итүләренчә,  Уфада яшәүче 31 яшьлек ир-ат 2024 елның июленнән 2026 елның февраленә кадәр бакча кишәрлегендәге бинада криптовалюта  эшләү өчен майнинг фермасы җиһазландырган.

Электр энергиясенә чыгымнарны киметер һәм табышны арттырыр өчен ул исәпләү приборын яңадан программалаштырган, бу ресурс куллануны 96 процентка киметүгә китергән. Мондый хокук бозу гамәлләре ресурслар белән тәэмин итүче оешмага 1,8 миллионнан артыграк суммага зыян салган.

Җинаять эзәрлекләве турындагы мәсьәләне хәл итү өчен прокуратура тикшерү материалларын беренчел тикшерү органына җибәргән. Аларны карау нәтиҗәләре буенча “алдау яки ышанычтан явызларча файдалану юлы белән милеккә зыян китерү” маддәсе буенча җинаять эше кузгатылган.

Чыганак: bashinform.ru