Баш дәүләт таможня инспекторын сак астына алганнар

Башкортстан таможнясының Идел буе таможня идарәсе Федераль таможня хезмәтенең Уфа таможня постының баш дәүләт таможня инспекторын зур күләмдә ришвәт алуда шикләнәләр. Вазифа биләгән затка ришвәт алуда гаепләү белдерелде һәм сак астына алу рәвешендә чик кую чарасы сайланды.

Тикшерү версиясе буенча, 2025 елның октябреннән декабренә кадәр шикләнелүче арадашчы аша коммерция оешмасы вәкиленнән акчалата бүләк алган. Моның өчен инспектор товарлар килүен теркәүне һәм таможня транзиты процедурасын тәмамлауны тизләткән. Рәсмиләштерү чираттан тыш тәртиптә, ташучыларның процедурада катнашуыннан  һәм аларның шәхесен тиешле дәрәҗәдә тикшерүдән башка уздырылган, бу билгеләнгән процедураны бозуга тиң.

Тикшерү мәгълүматлары буенча, күрсәтелгән вакыт эчендә шикләнелүче барлыгы 266 мең сумлык ришвәт алган. Акчаларны ул үзе теләгәнчә тотынган.

Җинаятьчел эшчәнлек Тикшерү комитеты тикшерүчеләренең һәм ФСБ оператив хезмәткәрләренең уртак эше барышында ачыкланган. Шикләнелүче тоткарланган, аның белән тикшерү эшләре бара, яшәү урыны буенча тентү үткәрелгән. Чик кую чарасын сайлау мәсьәләсе хәл ителә.

Чыганак: bashinform.ru