Автобус йөртүче ГАИ хезмәткәрләрен сатып алырга тырышкан

Кичә Уфаның Калинин районында ГАИ хезмәткәрләре «НефАЗ»автобусы йөртүчесенең юл йөрү кагыйдәләрен бозуын ачыклаган. Ул, транспортны тыелган урынга туктаткан.  Шулай ук ир-атның машина йөртү таныклыгыннан мәхрүм ителүе ачыкланган. Патруль автомобилендә административ материал төзегәндә, 1994 елгы машина йөртүче юл-патруль хезмәте инспекторларын сатып алырга тырышкан-1000 сум ришвәт бирергә теләгән.

Хезмәткәрләр ир-атны берничә тапкыр нәтиҗәләр турында кисәткән, ләкин тегесе акчаларын патруль автомобиленең приборлар панеленә салуын дәвам иткән.

Урынга иң якындагы полиция бүлегенең тикшерү-оператив төркемен чакырттылар. Ир-атка карата «вак ришвәтчелек» маддәсе буенча җинаять эше кузгатканнар, шулай ук тыю билгесе гамәлдә булган зонада автобус кую һәм машина йөртү таныклыгыннан мәхрүм ителгән транспорт чаралары белән идарә итү өчен, шулай ук маневрлар ясау кагыйдәләрен бозган өчен административ материаллар кузгатканнар.

Чыганак: Башинформ