Стәрлетамакта улы әнисен алтынчы кат тәрәзеннән ыргыткан

Стәрлетамакта үтерү эше буенча тикшерү тәмамланган. 39 яшьлек ир-ат 60 яшьлек әнисен Ходайбирдин урамындагы тулай торакның алтынчы катындагы тәрәзәдән ыргытуда гаепләнә.

Фаҗига 2025 елның 30 ноябрендә була. Ул көнне улы белән әнисе бергә хәмер эчә. Ир-ат әнисеннән күптән түгел генә гаиләсеннән алынган һәм социаль учреждениегә урнаштырылган ике баласына опека рәсмиләштерергә сораган. Алар арасында  конфликт барлыкка килгән. Нәтиҗәдә ир-ат әнисен тәрәзәдән ыргыткан. Хатын-кыз алган җәрәхәтләрдән урында ук һәлак була. Тикшерү җинаятьнең ниятләнгән характерын раслый торган җитәрлек дәлилләр җыйган. Ир-ат үз гаебен таныган. Эш судка тапшырылган.

Чыганак: https://www.bashinform.ru/

Фото: Фото: пресс-служба / СКР по РБ