Көнчел ир-ат элеккеге сөйгәненең машинасына ут төрткән

Республикада элекке сөйгәненең көнчелеге белән бәйле җинаятьне ачыклаганнар. 28 февраль кичендә Уфаның Дизельная урамында  33 яшьлек хатын-кызның Kia Rio машинасы дөрләп яна башлаган. Машина эчтән тулысынча янып беткән, беренчел бәяләүләр буенча, зыян миллион сумнан артык тәшкил иткән.

Тикшерү  барышында конфликтның  тарихы билгеле булган. Шикләнелүче зыян күргән хатынның элеккеге сөйгәне булып чыккан, аны полицейскийлар машина янгач берничә сәгать үтүгә ачыклаган һәм тоткарлаган. Хатын-кыз күптән түгел генә ир-атка ташлашулары турында хәбәр иткән булган. Ир-ат моны бик авыр кичергән һәм мөнәсәбәтләрне өзүгә каршы булган. Хатын-кыз шимбә кичен ахирәтендә үткәргән. Иртән аларны Гадәттән тыш хәлләр министрлыгы хезмәткәрләре уяткан һәм машинаның януы турында хәбәр иткән.

Ут төртү маддәсе буенча җинаять эше кузгатылган. Шикләнелүче яшәгән урында тентү үткәрелгән. 

Чыганак: bashinform.ru